قال الفنان محمد فراج، أجسد شخصية "سيد" فى فيلم "الصندوق الأسود" وهو هجام ومسجل خطر، وتدور أحداث الفيلم كلها فى مكان واحد، والفيلم كنا مخلصين تصويره من شهر 12، وكان المفترض يعرض فى إجازة نصف العام، ولكن لظروف الكورونا اتأجل لغاية شهر أكتوبر الماضى.
وأضاف خلال لقائه فى برنامج "It's Show Time"، تقديم الإعلامية دينا حويدق المذاع على قناة cbc، إحنا بنصور حاليا مسلسل "تقاطع طرق"، والمسلسل ده سبب إنى مربى دقنى، وكان المفروض المسلسل ده نخلصه ويتعرض فى رمضان الماضى، ولكن لظروف كورونا شركة الإنتاج وقفت التصوير وقررت إننا نعرضه فى رمضان المقبل.
وعن أحمد السقا قال: هو أخ وقريب من القلب، وأى حد يتكلم معاه يحس إنه يعرفه من فترة، وفيه كمية جدعنة رهيبة، وهو شخص بيشتغل بجد ومش بيهزر فى الشغل، وعشان كده ربنا بيكرمه وبيحترم اسمه وبيحترم شغله وأنا بحبه على المستوى الإنسانى، ولازم اللى بيشتغل معاه ياخد باله؛ لأن السقا بيرتجل فى الأكشن.
يذكر أن آخر أعمال محمد فراج فيلم "الصندوق الأسود"، من قصة وإخراج محمود كامل وسيناريو وحوار أحمد الدهان وهيثم الدهان، وبطولة منى زكى، محمد فراج، مصطفى خاطر وشريف سلامة وأسماء جلال، ومن إنتاج سينرجى وأفلام مصر العالمية، ونيو سينشرى.