قالت النجمة منى زكى فى ندوة مهرجان القاهرة السينمائى فى دورته الـ42، إن من أكثر الأعمال التى قمت بتمثيلها وأحبها بشدة، "اضحك الصورة تطلع حلوة"، وكمان بحب أيام السادات جدا، وفيلم دم الغزال، واحكى يا شهرزاد، وتيمو وشفيقة، وكمان بحب جدا فى الدراما اللى عملتها من خلال مسلسل "أفراح القبة".
وعن طقوسها قبل التصوير، قالت منى زكي، بحب أحط بخور فى الكرفان، وبحب أسمع مزيكا وأنا بعمل مكياج، أما بروفاتى على الدور بيكون قبلها بيوم وأنا فى البيت.
وأضافت، أنا فيا عيب خطير وهو انى مش بقول الكلام بالظبط زى ماهو مكتوب فى السيناريو وبحاول أمشيه بنفس المضمون ولكن بقوله بشكل سهل عليا أكتر، ومخرجين كتير بيعدوها ليا.