قالت النجمة أمينة خليل، أنا أول امبارح في عرض "حظر تجول" كنت مبسوطة جدا لان انا وامير كنا متراهنين علي الفيلم ده من سنتين واستنينا كتير اوي واللي خلي اليوم احلي لما شفنا تأثر الناس بالفيلم وايمانهم بالرسالة.
وأضافت أمينة خليل، خلال ندوة فيلم "حظر تحول" لم أخف من أنى أعمل دور زي ده أو انه فيلم بيناقش قضية زي" زنا المحارم"، وده لان مينفعش نسكت علي حاجة زي كده بتحصل في العالم، وانا فكرت ازاي اقدر اساهم واساعد في حاجة زي كده وينااقش الموضوع من خلال الوسيلة اللي املكها اللي في الفن، وان اهم حاجة اننا نقدم القضية وازاي يحصل ونخلي في توعية اكبر والناس دي تتعالج بطريقة ما.
وتابعت، وانا دايما بجري ورا القصة الحلوة ودي اكتر حاجة بتشدني وأهتميت جدا بعلاقة الام والبنت دي اكتر الحاجات اللي شدتني، مؤكده كل المشاهد صعبة بالفيلم
الفيلم يشارك فى المسابقة الدولية، وتدور أحداثه فى إحدى ليالى خريف 2013 خلال فترة حظر التجول فى مصر، حول (فاتن) التى تخرج من السجن بعد 20 عاما لتجد ابنتها (ليلى) غير قادرة على تجاوز الماضى والعفو عنها، وليس فى ذهنها سوى أن والدتها قتلت والدها، فى مقابل رفض تام من (فاتن) للإفصاح عن سبب الجريمة، مما يضع الابنة فى صراعٍ ما بين عقلها الرافض للأم وقلبها الذى يميل لها تدريجيا.
"حظر تجول" تأليف وإخراج أمير رمسيس، بطولة كلا من الفنانين إلهام شاهين، وأمينة خليل، وأحمد مجدى، وعارفة عبد الرسول، ومحمود الليثى، بمشاركة الفنان الفلسطينى كامل الباشا، كما يشهد الفيلم ظهورا خاصا للمخرج خيرى بشارة، والفنان أحمد حاتم، من إنتاج؛ صفى الدين محمود، باهو بخش، وسالى والى، ومعتز عبد الوهاب، وشريف فتحي
