أشادت هالة عودة بمسلسل يحيى وكنوز، وذلك من خلال حسابها على موقع فيس بوك، حيث كتبت: "فات 15 حلقة من المسلسل العظيم يحيي وكنوز"، وكل يوم من رائع لأروع، بداية من الفكرة الرائعة، وحكاية التاريخ وترسيخ الهوية بأسلوب حديث ومنسق ومناسب للطفل والعصر، ورسم الشخصيات اللى كل شخصية ليها طابع مميز لايق على شكلها.
وأضافت، إن الاهتمام بتفاصيل كل شخصية فى كل مرحلة عمرية بلغتها، وطريقة كلامها، وأسلوبها، واستخدام لغة الجسد المبهر من حركة العين.. واليد.. والحركات المفاجئة.. والاتزان بين الحركات (فيها هارموني رائع)، والديكور الرائع والمناسب لكل عصر وتفاصيله المبهرة من أول رسمه على الورق ثم تنفيذه فى المشاهد بصورة رائعة ودقيقة، والألوان واضحة ومنطقية وملائمة العصر كل مشهد من المشاهد والجمل ملائمة للأطفال ومتماشية مع لغة العصر وواقعية جدًا واختلاف الصوت بين المواقف ومطابقته للشعور الإنساني، في التأثر والفرح والقلق والإثارة والغضب والإحباط، والوقت ما فيهوش ملل ولا أحداث ما لهاش لزمة، بل بالعكس إحنا مش عايزينه يخلص والكتابة سلسة وجميلة جدا وأسلوب الكاتب متميز، وفيه مرونة حلوة أوي بين المشاهد.
وتابعت هالة عودة: اختيار الأماكن.. والأزمنة المناسبة في الحكي.. وكله كوم والحبكة الدرامية والنقاط الارتكازية اللي بتشدك في آخر كل حلقة لحلقة بكره ده كوم تاني حقيقي شابوه لكل واحد ساهم، فالعمل العظيم ده دائما موفقين يا رب ودائما سايبين بصمة وبتساهموا في بناء شخصية طفل عربي واعي ومثقف، أنا عامة مهما كتبت ما أقدرش أوفيكم حقكم؛ لأن عندي من الكلام كتير جدا، وحبيت أدعم كلامي بآراء الناس على مدار الـ15 يوم اللي فاتوا بكمية الآراء الإيجابية الحلوة أوي دي.
شكرا من كل قلبي لصناع العمل ودائما بنتعلم منكم كل جديد في صناعة كرتون الأطفال، وهتفضلوا قدوة ومُعلم لينا في خطواتنا على الطريق.