"صاحي الصبح، مش شايف حاجة، ريئي ناشف، نفسي في حاجة مالتلاجة".. بمثل هذه الكلمات بدأت فرقة الفراعنة young pharoz تقديم أجدد مفاجآتها الغنائية "الصيام ملوش كبير"، والتي أهدتها للجمهور بمناسبة شهر رمضان الكريم.
كلمات الأغنية:
حاسس اني كنت في صحراء ولسة راجع
ممكن بق شاي، او حتي قهوة سادة؟
الزبادي مش محوق والحررارة جامدة
وصاحبي زيي ايده علي كتفي ساندة
قالي تعبت قلتوا فكك مالكلام ده
الشمس عامودية، محدش عنده تاندة؟
كل واحد مننا في طريق
علي الشغل او الجامعة اطير
لسه بدري عالفطار كتير
اصل الصيام ملوش كبير
أنا أخر برج في عقلي طار
خارج النطاق لحد مدفع الإفطار
"طب صايم ولا زي كل سنه؟" همم منتهى السخافه
إحنا كل حاجه نحت، بنبدع في الكنافه
ما طبيعي في الشغل أكشر، لأ مش محتاج أفسر
رمضان محتاج NRJ جسمي زي قميصي مكسر
خلقي ضاق، بتشنج.. على فكره مش بتنك
أنا محتاج جرعة نيكوتين؛ الsystem عندي مهنج
مش مترجم حاجه، سامع كلامكوا هيروغليفي
كل دقيقه ببص في ساعتي، نفسي في ميه تبل ريقي
لسه بدري عالمعاد، بدري عالفطار كتير
كل دول تهيؤات، الصيام مالوش كبير
الفراعنة تعد من أبرز التجارب الموسيقية في مصر التي تجمع بين فكرة الغناء والراب في ميكس واحد، واشتهر الثلاثي بمشاركتهم الناجحة فى الموسم الأول من إكس فاكتور تحت تدريب النجمة كارول سماحة، التي تبقى على تواصل دائم معهم حتى الآن رغم مرور عدة سنوات، ويقدمون حاليًا أول برنامج إذاعي متخصص في مجال الهيب هوب على راديو انرجي.
