حرصت الفنانة إنجى وجدان، على توجيه رسالة لجمهورها عبر حسابها الشخصى على موقع الصور والفيديوهات الشهير "إنستجرام"، بصورة لها قبل أن تفقد الكثير من الوزن، وصورة أخرى لها بعد فقدانها الكثير من الوزن، وبدت وجدان سعيدة بما أصبحت عليه الآن.
وعلقت وجدان على الصورة قائلة:" ده انا من سنة بالضبط بالفستان المخطط و ده انا دلوقتى بالفستان الطوبي.. خسيت كتير بس مش علشان حد علشان نفسى بس.. و ده مش معناه انى مكنتش حابة نفسى العكس انا كنت حابة نفسى لان وزنى ده كان بسبى ان خلفت احلى اسماعيل فى الدنيا.. عايزة اقول لكل بنت تخنت فى الحمل انت جميلة و عملتى احلى حاجة ممكن اى واحدة تعملها انها تحمل و تكون جواها طفل جميل.. ملكيش دعوة برأى الناس خليك حاسة بكل حاجة حلوة.. و انت لو عايزة تخسى علشان انت بس، هتقدري.. الحياة احلى و اسهل من اننا نعقد نفسنا علشان شوية ناس تافهة و فاضية و سطحية.. لو هتخسى اعملى كده لنفسك و صحتك مش علشان جوزك و لا طنط إلى شافتك و اتخدت انك تخنتى قوى كده ازاي.. اتبسطى و حبى الحياة هتعيشى مبسوطة سواء تخنتى ولا خسيتي.. انتى جميلة زى مانتي".
يذكر أن إنجى وجدان، انتهت من تصوير مسلسل "السبع صنايع" أمام شريف رمزى ومى سليم، كما شاركت أيضًا فى فيلم "آخر ديك فى مصر" بطولة محمد رمضان، هالة صدقى، دينا، إنتصار، مى عمر، محمد سلام، محمد ثروت، ملك قورة، تأليف أيمن بهجت قمر وإخراج عمرو عرفة.
