كشفت ناهد شاكر، ابنة شقيق الفنانة القديرة الراحلة شادية، عن آخر اللحظات لدلوعة الشاشة قبل تدهور حالتها الصحية ورحيلها عن عالمنا أمس الثلاثاء.
وكتبت "شاكر" عبر صفحتها الشخصية "فيس بوك"، أنها طلبت منها أكل "الكباب"، وأنها التزمت الصمت فترة طويلة حتى رأت بناتها.
وأضافت "آمنت بالله. أنها تفضل ما بتتكلمش لحد ما بناتها يدخلوا عليها وأقولها عايزه إيه؟ تكلى إيه.. تقولى كباب.. أقولها أجبلك معاه طحينة وعيش سخن.. تشاور برسها وتقولى آه. وتمد أديها وتمسك أيدى. وأقولها إنتى يا حبيبتى اللى كنتى بتدينى الدوا وأنا عيانه.. إنتى إللى دخلتينى الجامعة وحفظتى عليا.. تبتسم بهدوء وتنام زى الملاك.. وبعد كده تسلم روحها لربنا فى خلال أسبوع".
وتابعت ناهد قائلة: "إمبارح طول اليوم يجيلى صداع وماعرفش أمشى، وكان هيغمى على والناس تسندنى، وأروح البيت مش عارفه أتحرك طول اليوم.. كأن روحى كانت بتطلع معاها.. كل شىء مرتبط. الكون كله مرتبط.. يا حبيبى يا الله ملكوتك".
