احتفل نجوم فرقة مسرح مصر بعيد ميلاد أحد أبطالها "حمدى الميرغنى" الذى يتم عامه الـ29 اليوم.
وكتب الفنان كريم عفيفى قائلا: "كل سنة وانت طيب ياصاحبى يا عسل يارب سنة جديدة تحقق كل اللى تتمناه يا حمودى يا سكرة تقريبا كل صورنا كدا خايف الناس تفهم غلط".
ووجه الفنان على ربيع لصديقه حمدى الميرغنى رسالة حب بمناسبة عيد ميلاده، قائلا: "كل سنة وأنت طيب يا راجل يا طيب يا عسل ربنا يصلح حالك دايما وأشوفك سعيد ومبسوط على طول".
فيما كتب الفنان محمد عبد الرحمن، معلقا على صورتهما معا "كل سنه وانت طيب ياحمودى وعقبال مليون سنه وانت بتشرب شاى ومبسوط وفرحان يا صاحبى حد هيسالنى مش طالع ليه مع حمدى ف الصوره هرد واقوله هينفع حد يقف جنب القمر كل سنة وأنت بألف خير".
وهنأت الفنانة دينا محسن "ويزو" زميلها الفنان حمدى الميرغنى بمناسبة عيد ميلاده، ونشرت صورته وزوجته الفنانة إسراء عبدالفتاح.
وعلقت ويزو، على الصورة التى نشرتها عبر حسابها الشخصى على "إنستجرام": "عيد ميلاد الليلة مين.. عيد ميلاد الضحكة حمدى الميرغنى.. كل سنة وأنت كوميديان جامد.. الله أكبر يا أبوضحكة عسل أنت ومراتك السكر".
وكتب الفنان طارق الابيارى عبر حسابه على موقع تبادل الصور"إنستجرام"، قائلا كل سنة وأنت طيب يا من اكثر الناس طيبة واحترام واكيد خفة دم قابلتها فى حياتى كل سنة وانت طيب يا مضحك مصر والوطن العربى حبيبيى يا حمدى".
وهنأ الفنان محمد أنور نجم "مسرح مصر" زميله الفنان حمدى الميرغنى بمناسبة عيد ميلاده، ونشر صورة لهما عبر حسابه على موقع تبادل الصور "إنستجرام".
وكتب "أنور" على الصورة قائلا: "حمدى عشرة العمر اللى ضاع.. حمدى أخف دم واحد سنته مكسورة فى العالم.. للأسف يا حمدى بحبك جدا جدا.. ومش عارف إزاى أخلص من الشعور القذر ده.. كل سنة وأنت طيب يا حبيبى وسنة سعيدة عليك يا رب وتحقق فيها كل اللى بتحلم بيه وتكسر الدنيا كالعادة".
ويحتفل الفنان حمدى الميرغنى اليوم بعيد ميلاده، وهو من مواليد الميلاد 1 أبريل عام 1988، ويبلغ من العمر 29 عاما، من محافظة السويس.
